Mate Urutā. Tiakina koutou ko te whānau.

He panui nā Chrissie Cowan Kaiwhakahaere Matua o Kāpō Māori Aotearoa (KMA).

Te 18 o Māehe 2020

E ngā mema, e ngā whānau, me ngā kaitautoko o Kāpō Māori Aotearoa, tēnā koutou

Kua puta mai ngā kōrero, mā Te Reo Irirangi me te Pouaka Whakaata e whakarite ana a Aotearoa me ngā whenua o te ao i tētehi mate urutā hou ko Covid-19. Kua kaha whakaritea e te Kāwana ngā rautaki kia kore e whakawhānui atu ai te rere o tēnei urutā, waihoki, kia noho ora pai ai kia noho haumaru tonu ai hoki tātou katoa. E tautoko hoki ana a tātou hapū me iwi mā te whakarerekētanga o te mahi hongi, a, te tohungia kōrero ki ngā marae. He panui tēnei hei whakaatuatu i ngā whakaritenga kua whakatau, mā te whānau whānui o KMA. Ko te mea nui, e mārama pū ana koutou ki ngā ratonga kua tīni pīrere nei, e ahei ana ki te kimi kōrero mo te mate urutā nei, he aha ngā mea ka tautoko i a koe, ā, ka pēwhea rā koe e whakapā atu.

Ngā ratonga o Kāpō Māori Aotearoa:  Mai i te 18 Māehe 2020 Kua tinaku i ngā hui ā tāngata, i ngā hui ā rōpu hoki, me ngā pureitanga. Ā ngā wiki e rua, e eke mai nei, ka whakapā atu a Lisa, Kiri, Delayne rānei, kia korero e pā ana ki ngā whiringa mā koutou e whanga nei ki ngā aromatawai ā karu rā. Ko rātou ko Hannah ko Tarewa, ka ringi atu hoki ki a koutou kua mau waea tonu ki te korero.

Kei whea mai ngā korero; Mehemea kua hono koe ki te whārangi Pukamata, ka taea rānei koe te tomo ki te whārangi ipurangi o KMA, ki reira ka kite i ngā karere kua tukutuku, e pā ana ki te urutā weriweri nei, ka kōrero whakapā atu rānei ki a wai waihoki, he whakaaturanga Tiriata, mai i ngā iwi me ngā kaiwhakaari e whakaatu ana i ngā mahi hou mo te hongi. Ka whakatauira ko te hā māmao. Ka tuku kupu tuhi, ka imēra hoki.

E mahi tahi ana mātou ki tō Kāpō me Matarehu o Aotearoa taha, kia whakawhānuitia ai te kōrero, ā, kua tukutuku I tētehi karere nā John Mulka, te Kaiwhakahaere Matua o Kāpō me Matarehu o Niu Tireni. He hono a ipurangi kia taea ai te uru ki tā rātou whārangi, ki tā rātou whārangi Pukamata hoki. Ka kitea tēnei pānui ki reira tonu.

Whakapā mai:  Ki te hiahia awhina, kōrero rānei, ki kōnei tonu ā tatou kaimahi hei tautoko. Ki te hiahia whakapā mai, tēnā:

  • Tuku karere ki tā tatou whārangi Pukamata. Me tūhono mai i te tuatahi!
  • Imera mai ki info@kapomaori.com
  • Mā te waea kore utu rānei ki 0800 770 990  

Hei mihi whakamutunga mōku, ka pēnei ngā whakatauki;

“Ki te kotahi te kakaho ka whati, ki te kapuia e kore e whati.”

“Kia kaha, kia maia, kia manawa nui.”

Mauri Ora

Chrissie Cowan

Kāpō Māori Aotearoa Kaiwhakahaere Matua